Máster Universitario en Ciencia e Tecnoloxía de Conservación de Produtos da Pesca
A Universidade de Vigo, a través dos Departamentos de Química Analítica e Alimentaria e Enxeñería Química, organiza xunto coa Asociación Nacional de Fabricantes de Conservas de Peixes e Mariscos ANFACO, a través do seu Centro Técnico Nacional de Conservación de Produtos da Pesca CECOPESCA, un mestrado oficial totalmente innovador que abarca todos aqueles aspectos relacionados coa conservación dos produtos da pesca e a acuicultura. A idea xorde ante a crecente demanda de titulados especialistas nun ámbito industrial de notoria importancia na nosa sociedade.
O Máster en Ciencia e Tecnoloxía de Conservación de Produtos da Pesca está deseñado para formar profesionais cualificados dentro deste ámbito industrial e que permita ao sector dotarse de tecnólogos especializados na conservación dos produtos do mar e a acuicultura.